Властите во Тексас велат дека спречиле „напад со масовни жртви“ врз полицијата и го уапсиле 21-годишниот Сет „Андре“ Грегори поради терористички закани.
Полицијата на Корпус Кристи го уапсила Грегори во понеделник наутро, објави одделот на Фејсбук. Според властите, осомничениот планирал напад сличен на оној во 2016 година во Далас, кога во заседа беа убиени пет полицајци.
Канцеларијата на ФБИ во Хјустон потврди дека заканите биле насочени кон полицијата на Корпус Кристи и дека истражителите успеале да го спречат потенцијалниот напад.
Напаѓачот од 2016 година, Мика Ксавиер Џонсон, бил воен ветеран кој за време на преговорите за заложници рекол дека „сакал да убие белци, особено бели полицајци“. Џонсон беше убиен по повеќечасовна опсада кога властите активираа експлозив.
Полицијата на Корпус Кристи им се заблагодари на партнерските безбедносни агенции за помошта во спречувањето на нападот. Нивната поддршка е од витално значење за намалување на криминалот, стравот од криминал и зголемување на јавната безбедност“, се вели во соопштението.
