Точно во 19 часот за кога и беше закажан протестот на плоштадот Македонија во Скопје, МВР испрати соопштение дека се воведува целосна забрана за дронови речиси над цело Скопје.
Министерството за внатрешни работи ги информира граѓаните и сите корисници на воздухоплови без екипаж (дронови) дека од страна на Агенцијата за цивилно воздухопловство е поставена забрана за вршење на било какви операции со воздухоплови без екипаж (дронови) на територијата на град Скопје:
1. Плоштад „Македонија,
2. Улица „Димитрие Чуповски“,
3. Булевар „11 Октомври пред Собрание на РСМ,
4. Улица „Филип Втори“,
5. Булевар „Гоце Делчев“ до булевар „Илинден“ и
6. Пред Влада на РСМ.
Претходно, во текот на целиот ден беше дозволено да се закажува лет на мапата во Агенцијата за цивилно воздухопловство. Три лица веќе ги имаа закажано своите летови, а подоцна еден од нив се откажа.
