Остатоците од најголемиот копнен диносаурус во Европа се откриени на островот Вајт, посочија научниците.
Палеонтолозите од Универзитетот во Саутемптон идентификуваа остатоци од предатор кој живеел пред околу 125 милиони години. Праисториските коски му припаѓале на двоножниот диносаурус спиносаурид предатор со лице на крокодил, долг повеќе од десет метри.
Many congratulations to @valdosaurus and colleagues on this new discovery. Jeremy discovered some of these bones! https://t.co/iRVl6PGnQi
— Dr Susie Maidment (@Tweetisaurus) June 9, 2022
Докторантот Крис Баркер, кој го водел истражувањето, истакнал дека се работи за „огромно животно“.
Остатоците, кои ги вклучуваат карличните и каудалните пршлени, беа откриени на југозападниот брег на островот Вајт.
Предаторот го добил името „бела карпа спиносаурид“, по геолошкиот слој во кој биле пронајдени остатоците.
„Ова беше огромно животно, долго повеќе од десет метри и веројатно тешко неколку тони. „Судејќи според некои димензии, се чини дека е еден од најголемите грабливи диносауруси некогаш пронајдени во Европа – можеби дури и најголемиот познат досега“, рече Крис Баркер.
Живеел на почетокот на периодот на покачување на нивото на морето и демнел во водите на лагуната и песочните површини во потрага по храна.
„Бидејќи моментално е познат само по фрагменти, не му дадовме формално научно име. Се надеваме дека со текот на времето ќе се појават дополнителни остатоци“, изјави коавторот на истражувањето Дарен Наиш.
Повеќето од фосилите ги пронашол ловецот на диносауруси од островот Вајт, Ник Чејс, кој починал непосредно пред пандемијата на Ковид19.
Џереми Локвуд, друг коавтор на студијата и докторант на Универзитетот во Портсмут и Природонаучниот музеј, рече:
„Со Ник ги барав остатоците од овој диносаурус и најдов парче карлица во која беа издупчени тунели – секој со големина на мојот показалец. Мислиме дека се предизвикани од ларви кои ги јадат коските на некој вид чистач на бубачки. Интересно е да се мисли дека овој џиновски убиец стана оброк за многу инсекти“.
