Најмалку 38 лица загинаа, а 102 се ранети во американски напад врз пристаништето Рас Иса во Јемен, објавија медиумите под контрола на јеменските бунтовници, движењето Хути.
Телевизијата Ал Масира јави дека нападот на западното пристаниште за гориво Рас Иса се случил вчера.
Централната команда на американската војска соопшти дека целта на нападот била да се прекине снабдувањето со гориво на Хутите, пренесе Ројтерс.
U.S. CENTCOM has announced that precision strikes destroyed the Houthi-controlled Ras Isa fuel port in Yemen. The action was taken to disrupt the group’s financial lifelines, as the site was reportedly used to facilitate illicit fuel sales that funded their ongoing terrorist… pic.twitter.com/G9GUtfl23w
— GMI (@Global_Mil_Info) April 18, 2025
Соединетите држави соопштија дека нема да ги прекинат нападите врз цели во Јемен додека Хутите не престанат да ги напаѓаат бродовите во Црвеното Море и Аденскиот Залив.
Хутите извршија десетици напади со беспилотни летала и ракети врз бродови во Црвеното Море и Аденскиот Залив од ноември 2023 година, тврдејќи дека цели на бродови поврзани со Израел во знак на протест против војната во Појасот Газа.
Хутите ги прекинаа нападите врз бродови за време на двомесечниот прекин на огнот во Појасот Газа, кој започна на 19 јануари.
Од 18 март Израел ги обнови нападите врз Појасот Газа.
