Генералниот секретар на НАТО Јенс Столтенберг денеска во Брисел изјави дека руската употреба на нуклеарно оружје во Украина ќе има сериозни последици, но не сакаше да прецизира каков ќе биде одговорот на НАТО.
„Доколку Русија употреби какво било нуклеарно оружје во Украина, тоа би имало тешки последици“, рече Столтенберг на прес-конференција по завршувањето на состанокот на министрите за одбрана на земјите-членки на НАТО.
„Тоа суштински би ја променило природата на конфликтот“
На прашањето каков ќе биде одговорот на НАТО во тој случај, Столтенберг рече дека не сака да зборува за тоа.
„Ние нема да навлегуваме во тоа за да одговориме, но тоа суштински ќе ја промени природата на конфликтот, дури и со користење на помала нуклеарна ракета“, рече тој.
