На повикот за транспорт на студенти во Белград денеска се одзваа голем број таксисти кои два дена пешачеа до Нови Сад за да учествуваат во блокадата на трите моста.
Таксистите се собраа на паркингот во Нови Белград, кај ТЦ Змај, а потоа се упатија кон Нови Сад. На некои такси возила беа истакнати српски знамиња.
Taxisti iz Beograda kreću po studente u Novi Sad
Video preuzet sa MojBeograd ig pic.twitter.com/M8lSSXpruV
— Nemiposmatrač 🇷🇸🇧🇷🇺🇲 (@mavkoo) February 2, 2025
Тие рекоа дека во Нови Сад нема да има задржувања поради гужвата, бидејќи се очекува да им се придружат возачи и таксисти од другите околни градови.
Планираното враќање е во 15.00 часот, а возачите побараа студентите во тој момент да бидат во Нови Сад на булеварот „Деспот Стефана“ под мостот Слобода.
Целата акција е бесплатна за студентите.
Иако на Инстаграм страната blokada.fpn претходно беше најавено дека во 13 часот од Белград кон Нови Сад ќе тргнат 200 такси возила, одзивот беше огромен, па денеска се собраа 380, а колоната се протега и до 10 километри.
На белградските таксисти им се придружија и колеги од неколку други градови, а оваа акција предизвика бура од емоции и позитивни реакции.
