Откако претпладнево илјадници граѓани од пет скопски општини останаа со студени радијатори, ЕСМ Снабдување информира дека испораката на топлинска енергија е нормализирана за поголемиот дел од корисниците. Дефектот е прецизно лоциран на булеварот „Крсте Мисирков“, но за неколку клучни институции и објекти во околината прекинот сè уште трае.
Каде е нормализирано греењето?
По брзата интервенција на екипите на „ЕСМ Дистрибуција“, топлинска енергија повторно добија потрошувачите во населбите:
- Аеродром и Ново Лисиче
- Кисела Вода
- Автокоманда
- Поголем дел од Центар
Кој сè уште е во прекин?
Поради специфичноста на дефектот лоциран на бул. „Крсте Мисирков“, без греење во моментов се неколку државни институции, судови и образовни установи. Меѓу нив се:
- Основните судови 1 и 2, Кривичниот суд, Апелациониот суд и ОЈО за организиран криминал.
- Ректоратот, неколку факултети на УКИМ, МАНУ, како и основните училишта „Јане Сандански“ и „Конгреси и манастирит“.
- МРТВ, МКЦ, Музеј на Македонија, Националната галерија „Чифте амам“, црквата „Св. Спас“ и објекти во Старата скопска чаршија.
- Зградите на бул. „Крсте Мисирков“ со броеви 7А, 7Б, 9, 11, 13, 15 и 17.
Екипите работат на санација
Од ЕСМ нагласуваат дека нивните стручни екипи се веќе на терен кај булеварот „Крсте Мисирков“ и интензивно работат на отстранување на дефектот за целосно воспоставување на мрежата.
Граѓаните кои сè уште имаат проблеми со греењето, а не се наоѓаат на оваа листа, можат да се информираат во Центарот за грижа за потрошувачи на телефоните (02) 3076 200 и 075 400 100.
