„МОДУС БЕНД“ го имаат рецептот за летен хит што освојува на прво слушање. Нивната нова песна, „Џабе бараш утеха“, веќе се издвојува благодарение на моќниот вокал на Гоце Бошкоски – Чоки.
Зад музиката стои целиот бенд, аранжманот е заедничко дело со Славко Ристески, додека текстот го напиша Огнен Неделковски.
Визуелната приказна е заокружена со видео спот во режија на Виктор Апостолоски, снимен на атрактивните локации во Крани и „Бар Сончев брег“ покрај Преспанското Езеро. Во реализацијата учествуваа и Софија Стојановска (придружен вокал) и Мартина Станчева (актерка во спотот). Подгответе се да ја слушате насекаде ова лето!
Новиот летен сингл на „МОДУС БЕНД“, насловен „Џабе бараш утеха“, е комплетен музички проект кој ветува дека ќе биде хит на сите радио станици и забави.
