„Нвидија“ денес стана првата компанија во историјата што има пазарна вредност од повеќе од пет трилиони долари.
Според „Гардијан“, денешното зголемување на проценката е дел од поширок скок на вредноста на технолошките компании предизвикан од очекувањата дека Федералните резерви на САД ќе ги намалат каматните стапки за 0,25 проценти.
Вредноста на акциите на „Нвидија“ се зголеми за 5 проценти благодарение на постапките на директорот на компанијата, Јенсен Хуанг, кој, меѓу другото, обезбеди нарачки за чиповите за вештачка интелигенција на компанијата во вредност од 500 милијарди долари и планира да изгради суперкомпјутер со американската влада.
