Дежурен јавен обвинител од Основното јавно обвинителство Прилеп извршил увид во куќа во центарот на Прилеп, каде биле пронајдени безживотните тела на 12-годишно дете и двајца мажи на возраст од 43 и 63 години.
Според првичните сознанија, 63-годишниот маж најпрво го лишил од живот својот внук од сестра и неговиот татко, поради семејни недоразбирања и нерасчистени имотни односи. По двојното убиство, тој ги објавил мотивите за стореното на социјалните мрежи, а потоа си го одзел и сопствениот живот.
Јавниот обвинител наредил обдукција на телата, како и собирање на сите траги, оружје и муниција пронајдени на местото на настанот, кои ќе бидат предмет на вештачење.
