Сончево и многу топло. Попладне претежно во планинските региони ќе има зголемена облачност и услови за пороен дожд и појава на грмежи. Ќе дува слаб до умерен ветер од западен и северозападен правец. Максималната температура ќе биде во интервал од 35 до 41 степен.
Времето и метеоролошките параметри за Скопје: Сончево и многу топло со мала облачност. Ќе дува слаб до умерен ветер од северозападен правец. T=40°C. P=976hPa. U=18%. V=2m/s. UV index=9.
Од утре и во денови од новата седмица дневната температура ќе опадне за неколку степени. Во попладневните часови ќе има локална нестабилност со пороен дожд, грмежи и засилен ветер. Наместа ќе има услови за невреме со силен ветер и појава на град.