Одбиени околу 20 амандмани на ребалансот на Буџетот, расправата продолжува утре

Во собраниската Комисија за финансирање и буџет заврши вториот ден од расправата по поднесените амандмани за предлог-ребалансот на Буџетот за 2026 година. Во текот на попладневната сесија беа разгледани и одбиени околу 20 амандмани поднесени од опозициските партии ДУИ, СДСМ и Левица.

Вкупно за овој ребаланс се поднесени 224 амандмани, од кои најголем дел се од ДУИ (90), по што следуваат СДСМ со 78, Левица со 51 и коалицијата ВРЕДИ со пет амандмани.

Што бараше опозицијата со одбиените амандмани?

• Левица во своите барања стави акцент на екологијата и заштитата на животната средина. Меѓу другото, бараа средства за изградба на центар за селекција на отпад кај депонијата „Дрисла“, дополнителни околу еден милион евра за заштита на Осоговските Планини, повеќе средства за ренџерската служба во заштитениот предел Малешево, како и 12,3 милиони денари за студија за валоризација на планината Огражден. Исто така, побараа Кожув да се прогласи за национален парк, повеќе пари за постојните национални паркови и средства за санација на штетите од шумските пожари. Партијата повлече два од своите амандмани.
• ДУИ побара финансирање на локални инфраструктурни проекти, вклучувајќи реконструкција и изградба на речните корита во неколку липковски села, изградба на пат до планинскиот дом „Чеплес“, како и изградба на неколку локални патишта во општините Чашка и Велес.
• СДСМ поднесе амандман со кој се бараа дополнителни 20 милиони денари за изградба, уредување и проширување на парковските површини во Општина Кочани.

Како изгледаат клучните бројки во ребалансот на Буџетот?

Ребалансот носи промени во клучните економски и фискални проекции за 2026 година:

Амандманската расправа во Комисијата за финансирање и буџет продолжува утре во 12 часот.