Ако имате типична канцелариска работа и постојано седите пред компјутер, тогаш овие вежби можат да ви помогнат. Поради долготрајното седење и намаленото движење може да дојде до различни болки и тешкотии, особено на ‘рбетниот столб. Најчестите негативни последици се слабите и вкочанети мускули, скратените тетиви и лигаменти, што на крајот предизвикува лошо држење и болка во грбот и вратот. Најдоброто решение се вежбите!
Птица-Куче
Застанете во положба, придржувајќи се со рацете и колената, додека грбот е рамен. Истовремено подигнете една рака и спротивната нога, така што грбот да остане рамен, а потоа вратете се во основната позиција. Направете 4 серии со 15 повторувања.
Подигнете ги колковите
Легнете на под и раширете ги нозете, така што колената ќе дојдат во ширина на рамената. Подигнете ги колковите, држејќи го остатокот од телото на подот, а потоа вратете се во првобитната положба. Направете 4 серии со 15 повторувања.
Истегнете се наназад
Легнете на стомак. Подигнете го горниот и долниот дел на телото и задржете го телото кратко во таа позиција. Вратете се во првобитната положба. Направете 4 серии со 10 до 15 повторувања.
Подигнување тежина
Повеќето од вас веројатно немаат тегови дома, но секоја тежина во оваа вежба е добредојдена. Може да искористите и шишиња од 2 литри вода. Седнете на под и потпрете ги градите на колената. Подигнете ги рацете, а потоа само полека вратете ги. Направете 4 серии со 12-15 повторувања.
