Најдобриот фудбалер на светот за оваа година денеска има повод за славење откако вчера официјално го доби тој епитет.
Лука Модриќ ова лето беше вистински херој за целиот свет, особено за Хрватска пласирајќи ја како втора фудбалска сила во светот.
Но зад успехот на фудбалерот освен напорната работа и труд, стои и неговата сопруга која му е мотивација и поддршка веќе осум години наназад.
Лука е во брак со Вања осум години со која има три деца Иван, Ема и Софија, инаку еден од синовите на фудбалерот е вистинска копија на својот татко, погледнете.
Фудбалската кариера ја започнал во младите категории на фудбалскиот клуб Задар, а во 2000 година се преселил во Динамо каде, преку позајмиците во Зрињски од Мостар и Интер од Запрешиќ, се изборил за место во првите единаесет на загрепските сини. Со Динамо освоил три титули по ред државен првак во 2006, 2007 и 2008 и две титули победник на Купот на Хрватска во 2007 и 2008 година. На тоа придодал и еден освоен Суперкуп во 2006 година. Истотака тој бил добитник на наградата Спортски новости за најдобар играч на Првата Хрватска фудбалска лига, која му била доделена во 2008 година. Добитник бил и на наградата за најголема надеж на хрватскиот фудбал која му била доделена на 21 декември 2004 од страна на весникот Вечерњи лист.
