Во продавниците и пекарите има се повеќе видови леб, но како да го изберете најдобриот, односно најздравиот?
Бидејќи лебот е храна која ја јадеме секојдневно, сосема е разбирливо да се размислува која варијанта е најздрава. Некои се богати со влакна, некои со витамини и минерали, а некои се печени од рафинирани зрна и затоа не се премногу хранливи.
Видови леб кои се меѓу најздравите:
1. Леб од никнати зрна жито
Овој вид леб се подготвува од цели зрна кои под влијание на влага и топлина почнале да ртат. Истражувањата покажуваат дека ртењето ја зголемува концентрацијата на антиоксиданси, а од друга страна го намалува шеќерот во крвта, па ова е добар избор за дијабетичари. Освен тоа, никнатиот леб е побогат со влакна и протеини.
Предноста на овој вид леб, за кој треба долго време да се подготви, но е едноставен, е количината на хранливи материи, витамини и минерали и помалото влијание на шеќерот во крвта.
2. Леб со квасец
Лебот од кисело тесто се подготвува преку природно условен процес на ферментација кој, меѓу другото, ја намалува и фитинската киселина. Овој вид леб полесно се вари и содржи многу здрави бактерии и го намалува шеќерот во крвта.
Киселото тесто може да се подготви од интегрално брашно или бело пченично брашно, додека интегралното брашно е побогато со влакна, железо и други хранливи материи.
3. Леб од 100 проценти цело зрно пченица
Целите житарки се богати со влакна, протеини, здрави масти, минерали и скроб. Затоа интегралните житарки, вклучително и пченицата, се поздрави од која било рафинирана и преработена верзија.
Поради сето ова, интегралните житарки се поврзани со голем број здравствени придобивки, вклучително и намален ризик од дијабетес, срцеви заболувања и некои видови тумори.
4. Леб од овес
Овесниот леб всушност се прави од комбинација на овес, интегрално брашно, квасец, вода и сол. Бидејќи овесот е многу хранлив и поврзан со многу здравствени придобивки, ова секако може да се смета за здрав вид леб.
Поточно, овесот е богат со влакна, хранливи материи како што се магнезиум, витамин Б1, железо и цинк. Влакната во овесот помагаат во намалување на холестеролот во крвта, го регулираат шеќерот и го намалуваат крвниот притисок.
5. Леб со ленено семе
Се смета за еден од најздравите видови леб што може да се најде на пазарот. Ленот е одличен извор на алфа-линоленска киселина и омега-3 масни киселини. Ленот делува и како антиоксиданс и го подобрува здравјето на дигестивниот систем, пишува Healthline.