Светската здравствена организација (СЗО) предупреди за храната што ја користиме секојдневно, а чие прекумерно консумирање може да има катастрофални последици по здравјето на луѓето. На здрав возрасен човек му требаат до два грама сол дневно, или помалку од пет грама.
Како максимално дозволено дневно внесување сол за здрав човек, тоа е онолку колку што одговара во една кафена лажичка. Треба да се каже дека ова се однесува на вкупната сол, односно на солта која веќе е присутна во храната, а не само на додадената сол. Добриот сооднос на натриум и калиум е од суштинско значење за здравјето, бидејќи калиумот игра особено важна улога во намалувањето на крвниот притисок и здравјето на крвните садови.
Треба да внесуваме најмалку 3,51 грама калиум дневно, а негов главен извор се овошјето и зеленчукот. Последици од прекумерно внесување сол Големиот внес на сол може да има повеќекратни последици врз човечкото тело. Еден од нив е задржување на течности предизвикано од високо ниво на натриум, што може да доведе до висок крвен притисок и оштетување на мозокот.
– Се проценува дека 1,89 милиони смртни случаи секоја година се поврзани со консумирање премногу натриум – соопшти СЗО.
Дополнително, вишокот на натриум од вишокот сол може да предизвика крвните садови да ја изгубат флексибилноста и да станат поцврсти, што придонесува за зголемен притисок.
Влијание врз бубрезите и крвниот притисок Бубрезите играат клучна улога во регулирањето на балансот на натриум во телото. Сепак, прекумерното консумирање сол може да ја наруши оваа рамнотежа и да влијае на функцијата на бубрезите, што индиректно може да влијае на регулацијата на крвниот притисок.
Долготрајното прекумерно консумирање сол може да придонесе за хипертензија, која е важен фактор на ризик за срцеви заболувања, мозочен удар и други кардиоваскуларни проблеми.
Препораки на стручњаци Поради оваа причина, се предлага дневниот внес на натриум да се ограничи на околу два грама, а за луѓето кои веќе имаат висок крвен притисок, експертите сметаат дека е идеален внес од 1,5 грама сол дневно. Овие препораки се насочени кон зачувување на здравјето и спречување на потенцијални здравствени проблеми.