Првообинетиот Љупчо Палевски беше отстранет од денешното рочиште во судот, кое се одржа за убиствата на Вања Ѓорчевска и Панче Жежовски. На барање на судијата Ивица Стефановски, Палевски беше изнесен од судницата со лисици на рацете поради неговото постојано приговарање и упаѓање во збор на обвинителката Жаклина Јосифовска.
Судската ситуација станала напната кога беа презентирани снимките од траекторијата на возилата поврзани со грабнувањето и убиствата. Се гледа како „цитроенот“ на Панче Жежовски, заедно со возилото „рено кангу“, се движат кон Скопје. По излегувањето на Палевски од судницата, беа презентирани и снимки од домот на Панче Жежовски, местото на пронаоѓање на неговото тело, како и локацијата каде беше пронајден неговиот мобилен телефон.
По паузата, Палевски беше вратен во судницата, каде му се заблагодари на судијата што го дозволи неговото повторно враќање на рочиштето.
