Премиерот на Хрватска Андреј Пленковиќ на панелот во рамките на Стратешкиот форум во Блед кажа дека не се фер блокадите кои ѝ се прават на Северна Македонија на патот кон Европската унија.
„Сите билатерални прашања коишто не се формално и правно поврзани со легислативата на ЕУ треба да бидат елиминирани од пристапниот процес. Тоа не е навистина квантна физика да се воспостави и треба да бидеме коректни во тој аспект. Случајот со Северна Македонија е пример за тоа. Чекаа 15 години да се реши грчкото прашање, сега имаме ново прашање. Тоа не е фер, тоа е штетно за имиџот на ЕУ и јас го велам тоа јавно со години и ќе продолжам да го велам особено со искуството на Хрватска“, кажа Пленковиќ.
Пленковиќ кажа сега целата дебата околу проширувањето на ЕУ е забрзана заради руската агресија врз Украина. Ако ова не се случеше војната во Украина, како што рече Пленковиќ процесот ќе беше бавен и со нова методологија.
