Еден човек од Лос Анџелес бил изненаден кога се вратил дома по разорниот пожар во Итон кој ја уништи заедницата. Семи Арбид (41) открил дека во просторот под неговата куќа се преселила огромна мечка тешка 238 килограми.
„Беше навистина тензично. Мислам дека остана таму за време на пожарот. Мислам дека беше исплашен“, изјави Арбид.
Ситуацијата стана покомплицирана кога екипажот за гас во Јужна Калифорнија одби да го врати снабдувањето со гас откако откри огромен непоканет станар под куќата. Службениците за дивиот свет мораа да бидат креативни за да ја отстранат мечката, која беше преголема за безбедно да се еутанизира.
Нивното решение било да подготват вкусно јадење што ќе ја намами мечката да излезе од мансардата.
„Тие отидоа во самопослуга и купија пржено пилешко, аншоа, сос од домати, јаболка, путер од кикирики – сите видови храна“, објасни Арбид.
Планот беше успешен. По уживањето во оброкот, мечката била безбедно фатена и преместена. Според извештаите, службениците за диви животни и ставиле на мечката GPS јака пред да ја пуштат назад во Националната шума Анџелес.
„Биологот рече дека тоа е најголемата мечка што ја видел во живо“, рекол Арбид, пишува Дејли Мејл.
Излегува дека џиновската мечка всушност и е добро позната на локалната заедница, која и дала прекар Бери и Виктор. Се верува дека избегал од вообичаеното живеалиште во блискиот кањон Итон кога избувнал пожарот.
„Не знам дали е повреден. Не знам дали му изгореле шепите или нешто, но таму долу нашол сигурност“, вели еден жител.
Да потсетиме, најмалку 29 лица загинаа во пожарите во Лос Анџелес.
