Антонио Лима дос Сантос, легендарниот бразилски фудбалер, почина на 84-годишна возраст, јавуваат бразилските медиуми.
Лима беше поранешен бразилски репрезентативец, играјќи за националниот тим 14 пати помеѓу 1963 и 1966 година и постигна четири гола. Учествувал на Светското првенство во Англија во 1966 година.
За време на неговата богата кариера која траеше од 1961 до 1976 година, тој играше за Сантос, каде беше соиграч на легендарниот Пеле, како и за неколку други клубови од Бразил и Мексико. Освои бројни титули, меѓу кои две светски клупски првенства и два Копа Либертадорес.
Сантос прогласи седумдневна жалост за смртта на нивната легенда, а знамињата ќе бидат на половина копје додека следниот натпревар ќе биде одбележан со минута молчење.
