Кралицата мајка на Тајланд, Сирикит, која донесе гламур и елеганција во повоената преродба на монархијата, почина на 93-годишна возраст, соопшти кралското семејство.
Сирикит не се појави во јавноста откако доживеа мозочен удар во 2012 година.
Палатата соопшти дека таа била хоспитализирана од 2019 година поради неколку болести и дека развила инфекција на крвта на 17 октомври пред да почине доцна синоќа.
Прогласен е период на жалост во траење од една година за членовите на кралското семејство и домаќинството. Владата соопшти дека јавните служби ќе ги спуштат знамињата на половина копје еден месец и побара од владините претставници да прогласат една година жалост.
Од местата за забава е побарано да ги прекинат активностите еден месец.
Тајландскиот премиер Анутин Чарнвиракул ги откажа патувањата на самитот на АСЕАН во Куала Лумпур и самитот на АПЕК во Јужна Кореја следната недела по смртта на кралицата мајка.
Тој им изјави на новинарите дека утре ќе отпатува во Малезија за да потпише договор за прекин на огнот со Камбоџа, но дека подоцна ќе се врати во Тајланд
