Борбените авиони се подигнати поради „зголемената активност“ на руските воздухопловни сили против Украина.
Полска подигна борбени авиони, како и еден авион на сојузник на НАТО, поради „зголемената активност“ на руската авијација против Украина. Веб-страницата polskieradio24.pl објави дека ова утрово го соопштила полската армија.
Утринава Русија изврши серија ракетни напади врз украинскиот главен град Киев, како и врз вториот по големина град во земјата Харков и Павлорад. Оперативната команда на полската армија во Варшава соопшти дека забележала „интензивна активност на авион со долг дострел на Руската Федерација“ која е поврзана со „намерата за извршување напад на територијата на Украина“.
Во соопштението, исто така, се наведува дека полската армија „ги активирала неопходните мерки наменети за обезбедување на воздушниот простор на Полска“, вклучително и „активирање на полски и сојузнички авиони“. „Набљудувањето на ситуацијата продолжува“, изјавија воени претставници од Варшава.
Informujemy, że obserwowana jest intensywna aktywność lotnictwa dalekiego zasięgu Federacji Rosyjskiej, która związana jest z zamiarem wykonania uderzeń na terytorium Ukrainy.
Wszystkie niezbędne procedury mające na celu zapewnienie bezpieczeństwa polskiej przestrzeni… pic.twitter.com/vMQPgWjfgz
— Dowództwo Operacyjne (@DowOperSZ) January 23, 2024