Федералното обвинителство на Германија се вклучи во истражните дејства во врска со нападот во францускиот град Стразбур, информира весникот „Тагесшпигел“. Според весникот, поднесена е пријава за сомневање за убиство, обид за убиство и нанесување тешки телесни повреди.
Една од причините за започнување истрага од страна на обвинителството е што шест германски државјани добиле психолошка траума, иако не биле повредени во нападот. Обвинителството нагласи дека главната истрага ја спроведуваат француските власти. Во вторникот вечерта 29-годишниотт Шериф Шекат отвори оган на божиќен пазар во Стразбур, при што уби три лица, а 13 беа повредени. Потрагата по напаѓачот сè уште траe.
