Повеќе од 260 училишта во Унгарија денеска добија извештаи за бомби, објавија властите и отворија истрага, што укажува дека тоа неодамна се случило и во други земји од Централна и Источна Европа.
Од 268 училишни институции кои ја добиле е-поштата со заканата, 245 се во главниот град Будимпешта, изјави за новинарите Бенце Ретвари, државен секретар во МВР.
Полицијата извршила увид во зградите и ги евакуирала учениците и вработените во секое од училиштата каде во тоа време имало илјадници луѓе.
Не е пронајдена бомба и нема опасност, изјави Ретвари.
Но, Владата повика на разумност бидејќи нема доволно факти во оваа фаза од истрагата.
Полицијата отвори истрага за загрозување на јавниот ред и стапи во контакт со агенцијата Европол како и со властите на Бугарија, Чешка и Словачка, каде во последните месеци беа пријавени слични закани со „исламистичка“ содржина.
Во мај и септември минатата година стотици чешки и словачки училишта добија предупредувања за бомби, а чешките власти зборуваа и за можно руско мешање.
