Денес околу 15.30 часот избувна пожар на отворено на територијата на Општина Старо Нагоричане во атарот на селата Руѓинце и Бељаковце.
Пожарникарите од ТППЕ Старо Нагоричане се обидуваат да воспостават контрола над огнот, го обезбедија селото Руѓинце и спречија загрозување на селото. Но, и покрај напорите на пожарникарите пожарот и понатаму се шири и најверојатно ќе биде потребна воздушна подршка.
„Бидејки веќе е доцна за полетување на воздухоплови дадени се насоки да се побара засилување и во текот на ноќта да се обезбеди село Бељаковце кон кое се движи еден крак од пожарот.Пожарникари од ТППЕ Куманово и Кратово набргу ќе бидат упатени и ќе дежураат во близина на ова село.Во текот на ноќта ќе донесеме одлука дали, кога и кои воздухоплови ќе бидат употребени за гаснење на овој пожар“, вели директорот на ЦУк Стојанче Ангелов.
