Пратеничката на ВМРО-ДПМНЕ, Бети Стаменкоска – Трајковска вчера била одликувана со титула Витез.
Одликувањето е од страна на францускиот амбасадор Кристоф Ле Риголер.
„Моментите на гордост треба да се споделат. Денеска нашата колешка, пратеничката Бети Стаменкоска – Трајковска беше одликувана од страна на Н.Е францускиот амбасадор Кристоф Ле Риголер со титула Витез која ја доделува француското Министерство за образование. Оваа титула се нарекува и Академска палма, а се доделува на граѓани на Франција и на меѓународни признаени општественици кои силно придонесуваат за зајакнувањето на врските и образованието помеѓу Франција и другите држави, во случајов Република Македонија. Честитки Бети, продолжи да ја преставуваш Македонија како што знаеш !“, напиша пратеникот Бојан Стојаноски.
