Калифорнија повторно е соочена со големи шумски пожари кои се закануваат да уништат многу домови, а принцот Хари и Меган Маркл се меѓу погодените од оваа природна катастрофа.
Нивната луксузна вила во Монтесито, која ја купија во 2020 година, сега е на работ на опасност бидејќи пожарот брзо се шири кон областа.
Пожарите што зафатија големи делови од Јужна Калифорнија претставуваат сериозна закана за околните заедници, вклучително и луксузното Монтесито, место познато по тоа што е област со висок ризик кога станува збор за шумски пожари.
Вилата на принцот Хари и Меган Маркл во Монтесито, која исто така беше цел на пожар во 2017 година, сега се соочува со уште поголема закана. Тогаш, замокот претрпе мала штета за време на еден од најголемите шумски пожари во историјата на Калифорнија, но сегашните околности се многу посериозни, бидејќи пожарите се проширија на околните имоти.
Иако вилата и претходно била изложена на опасност, сега шансите за целосно опустошување на имотот во околните места се значително поголеми.
Двојката ја купи замокот во јуни 2020 година за 14,65 милиони долари, а неговата вредност оттогаш се зголеми на 29,6 милиони долари, пишува Realtytoday.com. Тие се населиле во престижното Монтесито, кое е познато по тоа што е дом на многу познати личности, меѓу кои Опра Винфри, Елен Деџенерис и многу други.
Животот во луксузни вили често вклучува висок ризик од природни катастрофи, особено во Калифорнија, која со години е погодена од шумски пожари, земјотреси и суши. Покрај тоа, парот се соочува со постојано медиумско внимание додека се обидува да ја зачува приватноста и безбедноста на нивните деца, принцот Арчи и принцезата Лилибет.
Доколку пожарите продолжат да се шират кон Монтесито, постои можност принцот Хари, Меган и нивните деца да треба да бидат евакуирани од нивната вила во побезбедна област. Оваа ситуација повторно ги отвора прашањата поврзани со приватноста, безбедноста и заштитата на семејството, кои станаа постојани предизвици за овој пар откако се преселиле во Калифорнија.
