Продажбата е веќе во тек во филијалите во Хамбург, а продавниците ќе се затворат последниот викенд во октомври. Познатиот трговски моден синџир Hallhuber, со седиште во Минхен, е пред банкрот и би можел да ги затвори сите 60 продавници во Германија, Австрија и Швајцарија.
Компанијата е во стечај од крајот на мај, но планираното реструктуирање пропадна, пренесува магазинот Феникс.
Како што пренесува „Immobilien Zeitung“, Hallhuber ги раскинал сите 130 договори за закуп на своите продавници во Германија, Австрија и Швајцарија, а во моментов се уште се отворени околу 60 локации. До крајот на октомври компанијата може да ги затвори преостанатите 60 продавници.
Продажбата е веќе во тек во филијалите во Хамбург, а продавниците ќе се затворат последниот викенд во октомври. Како што пренесува „Хамбургер Абендблат“, на пример, во експозитурата во Еуропапасаж нема многу непродадена облека. На излозите има плакати на кои пишува „Ја затвораме експозитурата“ и „Уште само 7 дена“. Онлајн продавницата не е активна од јуни.
Договори со стари и нови инвеститори се уште не се постигнати. Сега, според сите сметки, бизнисот е на работ да згасне. Останува да видиме дали брендот Hallhuber ќе продолжи да постои и по затворањето на продавниците.
