„Специјалната операција на Кремљ во Украина заврши и започна Третата светска војна“, тврди една од главните руски пропагандисти Олга Скабеева. Обраќајќи им се на гледачите во нејзината емисија Росија-1, таа посочи дека Русија сега се соочува со ситуација во која ќе мора да го „демилитаризира“ НАТО.
„Можеби дојде време да се признае дека руската специјална операција во Украина е завршена. Во смисла дека започна вистинска војна. Згора на тоа, тоа е Трета светска војна. Принудени сме да ја демилитаризираме не само Украина, туку и НАТО како целина. таа рече.
Russian TV propagandist Olga Skabeyeva suggested again that it’s time to admit that the “special operation” was over and the Third World War had begun. According to her, Russia is forced to demilitarise not only Ukraine, but the whole NATO. pic.twitter.com/xOObJ1NglT
— UkraineWorld (@ukraine_world) May 30, 2022
Олга Скабеева во јавноста е позната како „челичната дама на телевизијата на Путин“. Професорката Сара Оутс тврди дека нејзините изјави може да помогнат да се открие колку далеку Кремљ ќе оди за да ги постигне своите цели.
Минатата недела, украинскиот министер за надворешни работи Дмитриј Кулеба рече дека на Украина сега и треба „тешко оружје за ефикасно да се бори во источна Украина“. Кулеба додаде дека мировните преговори со Русија всушност не се водат.
Американскиот претседател Џо Бајден вчера ги отфрли информациите дека САД размислуваат да испратат ракетни системи со долг дострел во Украина.
