Рускиот претседател Владимир Путин денеска испрати фрегата вооружена со хиперсонични крстосувачки ракети во Атлантскиот Океан. Заедно со министерот за одбрана Сергеј Шојгу и Игор Крокмал, командант на фрегатата Адмирал на флотата на Советскиот Сојуз Горшков, Путин на видео конференција рече дека бродот е вооружен со хиперсоничното оружје Циркон.
„Овој пат бродот е опремен со најновиот хиперсоничен ракетен систем – Циркон – за кој не постои еквивалент“, рече Путин. „Ова е хиперсоничен морски систем“, додаде тој. Шојгу рече дека Горшков ќе плови до Атлантскиот и Индискиот Океан и до Средоземното Море.
„Овој брод е способен да изведува прецизни и моќни удари“
„Овој брод, вооружен со циркони, е способен да изведува прецизни и моќни удари против непријателот на море и на копно“, рече Шојгу. Ракетите летаат со девет пати поголема брзина од звукот и имаат домет од над 1.000 километри, додаде тој.
Русија, Кина и САД се во хиперсонична трка во вооружување. Поради својата брзина, која е пет пати поголема од брзината на звукот, и неговата способност за маневрирање, ваквото оружје се смета за начин за стекнување предност пред секој противник.