Откако утрово во дворот од семејната куќа му била фрлена експлозивна направа, Раде Трајковски – Штекли е стабилен и вон животна опасност, изјави директорот на ГОБ „Св. Наум Охридски“, Небојша Настов, за „Слободен печат“.
Тој вели дека сè уште траат испитувањата, но Трајковски е вон животна опасност.
Како што соопшти МВР, утрово во 9:20 часот во СВР Скопје било пријавено дека во дворно место во населба Керамидница во Скопје била фрлена експлозивна направа.
Ова е трет обид за ликвидација на скопјанецот Штекли. Тој минатата година беше мета на напад во трговскиот центар „Ист Гејт Мол“ во Скопје. Набрзо потоа на својот Инстаграм профил објави стори со раните кои ги добил од куршумите.
