Шминкерката Гејб Адамс-Витли инспирира многумина со нејзините видеа на социјалните мрежи. Гејб има Ханхарт синдром, ретко пореметување придружено со различен степен на говорно оштетување и недостиг на прсти на рацете и нозете. Гејб, која неодамна им откри на своите следбеници дека е трансродова, нема раце и нозе.
Поради нејзината болест, родителите ја напуштиле кога имала само девет месеци, пишува Унилад. За среќа, не долго после тоа, Гејб беше посвоена од семејство од Јута. Така, инфлуенсерката порасна со уште 13 браќа и сестри.
Таа сега има 22 години, а основната занимација и се социјалните мрежи. Таа има 184.000 следбеници на Инстаграм, додека повеќе од четири милиони корисници на социјалната мрежа ја следат на ТикТок. Таа стана популарна благодарение на веселите туторијали за шминкање и бројните видеа во кои на следбениците им покажува како се шминка и се подготвува да излезе од дома.
@gabeadams Shes giving prom royalty 👸🏽 #fyp #trending #viral #trans #grwm #prom #promlook #makeup #makeuptutorial #makeupartist ♬ feel this moment – elfixsounds
Соработува и со брендови
Инфлуенсерката вели дека нејзиното посвоено семејство е голема причина за нејзиниот успех. Таа вели дека секогаш и давале безрезервна љубов и поддршка и ја учеле да биде што е можно посамостојна. Тие не сакаа таа да се чувствува поинаква од нејзините врсници поради нејзината болест.
@gabeadams Someone come rescue me!☺️ #fyp #trending #viral #transition #oldvideo #draft #trans ♬ original sound – Teigan💋✨
По завршувањето на училиштето, Гејб работеше извесно време како мотивационен говорник, посетувајќи училишта и компании, но на крајот таа беше повеќе заинтересирана за шминка и убавина. “Отсекогаш сакав само да седам и да гледам како другите девојки се шминкаат. Секоја од нив го правеше тоа на различен начин. Некои прво ставаа подлога, а некои ставаат сенка за очи”, изјави Гејб во едно од интервјуата.
Нејзината популарност на социјалните мрежи почна да расте за време на пандемијата на коронавирус. “Во првото видео што го објавив се снимав само до врат. Многу луѓе прашуваа зошто го правам тоа. Тогаш покажав дека всушност немам раце и нозе”, додала инфлуенсерката која денес, вели таа , добива голема поддршка од нејзините следбеници и соработува и со некои брендови.
