РУСИЈА изврши масовен напад со 267 дронови на Украина. „Ова е најголемиот број беспилотни летала употребени во еден напад од почетокот на руската инвазија на 24 февруари 2022 година“, изјави Јуриј Игнат, портпарол на Украинската воздушна команда.
Повеќе од половина од беспилотните летала беа соборени од противвоздушна одбрана. Украинските сили соборија 138 беспилотни летала, додека 119 од нив исчезнаа од радарот. Русија истрела и три балистички ракети. Според украинските власти, беспилотните летала биле пресретнати во најмалку 13 региони, меѓу кои Харков, Полтава, Суми, Киев, Чернихив, Миколаев и Одеса.
Во нападите во Керсон загинаа две лица. Уште едно лице е убиено во Криви Рих, индустрискиот град во кој пораснал украинскиот претседател Володимир Зеленски.
Би-би-си јавува дека три беспилотни летала летале кон Белорусија, а еден кон Русија.
Нападот со дрон предизвика штета во пет региони: Днепро, Одеса, Полтава, Киев и Запорожје.
Every day, our people stand against aerial terror. On the eve of the third anniversary of the full-scale war, Russia launched 267 attack drones against Ukraine — the largest attack since Iranian drones began striking Ukrainian cities and villages. In total, nearly 1,150 attack… pic.twitter.com/YvCNuZorvX
— Volodymyr Zelenskyy / Володимир Зеленський (@ZelenskyyUa) February 23, 2025
„Секој ден се бориме против теророт“
Украинскиот претседател Володимир Зеленски изјави дека Русија лансирала повеќе од 200 беспилотни летала во нападот синоќа, најмногу од почетокот на војната и повика на единство меѓу сојузниците на Украина.
„Нашиот народ секојдневно се бори против воздушниот терор. Во пресрет на третата годишнина од војната во полн обем, Русија лансираше 267 беспилотни летала во Украина, најжесток напад откако иранските беспилотни летала почнаа да ги напаѓаат украинските градови и села“, напиша тој на X.
Со месеци, Москва речиси секоја вечер спроведува масовни напади со беспилотни летала врз Украина во обид да ја истроши воздушната одбрана на земјата.
Зеленски рече дека Русија лансирала вкупно речиси 1.150 нападни беспилотни летала, повеќе од 1.400 наведувани воздушни бомби и 35 проектили од различен тип кон Украина во изминатата недела.
Претседателот им се заблагодари на сите кои управуваат со воздушната одбрана на Украина и ги повика странските сојузници на земјата да останат обединети за да гарантираат „праведен и траен мир“.
„Ова може да се постигне преку единството на сите партнери. Ни треба силата на цела Европа, силата на Америка, силата на сите кои сакаат траен мир.
Киев и неговите европски сојузници беа вознемирени од изјавите на новиот американски претседател Доналд Трамп, кој вербално го нападна Зеленски минатата недела, како и од средбата на американската и руската делегација во Ријад, на која Украина не беше поканета.
