Русија и Украина се согласија да разменат по 1.000 воени заробеници од секоја страна, изјави денес министерот за одбрана Рустем Умеров за украинската телевизија по завршувањето на преговорите во Истанбул.
Доколку се случи размената, тоа би била најголемата размена на затвореници во повеќе од три години од руската инвазија на Украина во февруари 2022 година.
❗️A "1000 for 1000" prisoner exchange may take place in the near future. We know the date, but we will not say it yet, – the head of the Ukrainian delegation Umerov. pic.twitter.com/8ttwcQSn9A
— 🪖MilitaryNewsUA🇺🇦 (@front_ukrainian) May 16, 2025
Руси: Украинците побараа средба на Зеленски со Путин
Руски извори објавија дека се разговарало за прекин на огнот и дека било договорено двете страни да ја презентираат својата визија за него и дека преговорите ќе продолжат врз таа основа. Тие, исто така, објавија дека Украина побарала средба меѓу претседателот Володимир Зеленски и рускиот претседател Владимир Путин.
Првите директни мировни преговори меѓу Русија и Украина по повеќе од три години траеја помалку од два часа.
Украинци: Русите се исклучени од реалноста
Украински извор изјави дека територијалните барања на Москва го поткопуваат процесот. Според украински извор за Ројтерс, руските барања се „одвоени од реалноста и одат многу подалеку од сè што беше претходно дискутирано“.
Тие вклучуваа ултиматуми за Украина да се повлече од делови од својата територија со цел да се постигне прекин на огнот „и други поткопувачки и неконструктивни услови“, изјави изворот за Ројтерс под услов да остане анонимен.
