Генералниот секретар на НАТО Марк Руте ги повика во понеделник земјите-членки на НАТО да трошат повеќе за одбрана од сегашната цел од два отсто од БДП, поставена пред десет години, велејќи дека сега е премалку поради новите предизвици.
Руте ова го изјави во Лисабон по средбата со португалскиот премиер Луис Монтенегро, кој го повтори ветувањето на неговата земја да ја достигне целта од два отсто од БДП до 2029 година.
Во 2023 година, Португалија потроши 1,5 отсто од БДП за обврските кон НАТО.
„Знаеме дека целта од два проценти, поставена пред десет години, нема да биде доволна за да се одговори на предизвиците на утрешниот ден“, рече Руте. „Тоа значи дека сега треба да трошиме повеќе на нашата одбрана.
Земјите-членки ќе разговараат дали да ја зголемат целта од два проценти на самитот во Хаг ова лето, под притисок на американскиот претседател Доналд Трамп да ги зголеми трошоците за одбрана на пет проценти од БДП, што во моментов ниту една членка не го исполнува.
Руте ги повтори западните обвинувања дека Русија се обидува да ги дестабилизира земјите-членки на НАТО со активности кои се движат од обиди за атентат до сајбер напади и саботажи, додека води брутална агресивна војна против Украина.
Москва негира дека сака да ги дестабилизира западните земји и тврди дека нејзините воени операции во Украина се насочени кон зајакнување на нејзината национална безбедност.
