Системот „Сејф Сити“ од вчера започна автоматски да ги детектира прекршоците што ги прават мотоциклистите, информираше министерот за внатрешни работи Панче Тошковски.
Според него, полицијата пронашла технички начин за автоматска идентификација на мотоцикли кои возат со недозволена брзина и ги прекршуваат правилата.
„Ексклузивно, од вчера е започнато со детектирање и автоматско ловење и на мотоциклите на територијата, таму каде што го имаме имплементирано Безбеден град“, изјави Тошковски.
Тошковски порача дека сите несовесни возачи отсега ќе бидат автоматски санкционирани, а првите официјални бројки за казнети мотоциклисти се очекуваат во текот на денешниот ден.