Шпанското Министерство за земјоделство денес објави дека истражува дали епидемијата на свинска треска, која неодамна се појави во регионот на Барселона, може да биде предизвикана од истекување на вирус од лабораторија.
Во соопштението се вели дека секвенционирањето на геномот во лабораторија во Мадрид покажало дека сојот на свинска треска во Шпанија е „многу сличен“ на оној што првпат беше откриен во Грузија во 2007 година, а кој сега се користи во истражувањето и развојот на вакцини, објави Ројтерс.
„Откривањето на вирус сличен на оној што циркулира во Грузија затоа не ја исклучува можноста неговото потекло да е во биолошки складишен објект“, се вели во соопштението на Министерството.
