Ново предупредување за граѓаните само две недели по разорните поплави во источна Шпанија, издадоа метеоролошките служби, истакнувајќи дека се очекуваат нови катастрофи со доаѓање на обилни врнежи и ниски температури.
Источниот и јужниот дел на Медитеранот повторно се најзагрозени, а шпанската метеоролошка агенција Аемет од денеска до четврток издаде портокалово предупредување за делови од регионите Валенсија, Каталонија и Андалузија, како и за Балеарските острови, јави Би-Би-Си.
Аемет предупредува на дождови и бури кои би можеле да бидат многу силни.