Пронајдено е телото на 24-годишниот хрватски фудбалер Јаков Јелкиќ, кој исчезна во саботата наутро во шпанскиот град Аликанте.
Потрагата завршила кога Националната полиција го пронашла неговото тело во пристаништето на тој град.
Без резултатите од обдукцијата, Националната полиција во моментов смета дека станува збор за несреќа во која не учествувале трети лица, потврдија извори блиски до случајот, пишуваат два локални шпански весници Информации и ТодоАликанте.
Според информациите на веб-страницата на исчезнати лица во Шпанија, Јелкиќ се уште се води како исчезнат.
Националната полиција отвори истрага откако во саботата беше поднесена пријава за чудното исчезнување на Јаков Јелкиќ, двоен државјанин на Швајцарија и Хрватска.
Беше на одмор во Шпанија со фудбалскиот тим
Јелкиќ беше во Шпанија со својот клуб, швајцарскиот нисколигаш ФК Гранж-Пакот, каде што одиграа натпревар. Тој пристигна таму во петокот, а таа вечер беше со соиграчите на забава во ноќниот клуб Упикум, веднаш до плоштадот Габриел Миро во Аликанте. Неговите соиграчи последен пат го виделе таму бидејќи се вратиле во хотелот, а Јаков рекол дека мора да се врати во клубот бидејќи не му ја земал јакната.
Локалните полициски истражители, прегледувајќи ги снимките од надзорните камери, го забележале Јаков како оди сам кон областа Дистрито Дигитал во пристаништето Аликанте, каде што сигналот на мобилниот телефон му бил прекинат нешто пред три часот наутро во саботата, поради што потрагата во таа област е се засилени од утрово.
Нуркачи од Цивилната гарда го бараа, а подигнати се и дронови. Во потрагата била вклучена и пристанишната полиција и началникот на обезбедувањето на Капетанијата на пристаништата, пишува локалниот Информации.
На телото утре ќе му биде извршена обдукција
Неговото тело на крајот беше пронајдено на длабочина од околу два метри, на крајот од пристаништето Distrito Digital.
За пронајденото било известено надлежното обвинителство, а телото подоцна околу 18 часот и 30 минути било извадено од морето. Телото на Јаков Јелкиќ е пренесено во Институтот за правна медицина во Аликанте, каде во вторник ќе биде извршена обдукција и ќе се утврдува дали починал од давење по несреќен пад.
Ова е втор смртен случај регистриран во пристаништето Аликанте изминатиот викенд. Во неделата беше пронајдено тело на жена со проблеми со движењето која користела инвалидска количка, а по неа се трагаше од саботата.
