Силен дожд предизвика поплави во округот Измир, западна Турција, јавува турската приватна телевизија НТВ.
Поплавени се улици и булевари во градовите Конак, Балчова и Борнова, а многу автомобили се заглавени на коловозот. Граѓаните со сопствени сили се обидоа да ги истуркаат своите автомобили од водата, а поголемите возила мораа да се извлекуваат со специјализирана опрема.
Дождот во областа синоќа се засили, но се очекува да продолжи со прекини до денеска напладне, додава телевизијата.