Земјотрес со јачина од 6,1 степени според Рихтеровата скала ја погоди денеска северна Индонезија, соопшти Американскиот геолошки институт (АГИ). Властите не пријавија жртви или сериозна материјална штета.
Според АГИ, земјотресот е регистриран во 06:55 часот (локално време; 23:05 часот по македонско време), во морската област кај островот Целебес (познат и како Сулавеси).
Индонезиската метеоролошка агенција од своја страна ја процени јачината на земјотресот на 6 степени и ја отфрли можноста да предизвика цунами.
Жителите на соседната провинција Северна Келибија изјавија дека ги фатила паника кога се случил земјотресот.
Огромниот индонезиски архипелаг доживува честа и интензивна сеизмичка и вулканска активност поради неговата географска локација на таканаречениот Огнен прстен на Пацификот.
Во јануари 2021 година, земјотрес со јачина од 6,2 степени по Рихтер остави над стотина мртви.
