Словенечкиот министер за култура Дејан Прешичек, ја понуди својата оставка по скандалот во кој беше обвинет за мобинг. Тој до премиерот Марјан Шарец ја понудил својата оставка, објавено е денеска на прес-конференција.
Прешичек се најде на „мета“ на обвинувања за мобинг кон вработените, како и за злоупотреба на својата положба, а се започнало кога еден вработен во министерството извршил самоубиство.
Според хрватскиот „Јутарњи“, станува збор за татко на три деца кој бил болен од рак, и кој трпел мобинг од страна на министерот и неговите најблиски соработници.
Прешичек ги отфрли обвинувањата, но признал дека злоупотребил користење на автомобилите на министерството. Навел дека решението е само оставка на своето место.
Според неофицијалните информации премиерот нема да ја прифати оставката.
