Српски авион полетал од Тиват во Црна Гора за Белград, но морал доста брзо да се врати на аеродромот, а во меѓувреме патниците биле сведоци на хоророт.
Патниците кои полетаа со авионот на Ер Србија, кој денеска полета од Тиват за Белград, тешко дека ќе го заборават овој ден.
Ербас 319 мораше принудно да слета 45 минути по полетувањето од аеродромот во Тиват, околу 15:45 часот, поради дефект на моторот.
Можеби некому ќе му се чинеше дека сè не оди добро, со оглед на тоа што летот доцнеше околу 45 минути, а потоа – едвај пет минути по полетувањето, под авионот се слушна силен тресок.
Пред експлозијата, патниците истакнуваат дека во авионот се слушнал силно брмчење, а потоа дошло до силен удар кој ги вознемирил сите патници.
„Тоа беше нешто како удар на гром. Авионот ја менуваше моќноста, а една патничка виде дека под нејзините нозе летаат искри и дека горивото се испушта од резервоарот во морето. Ние кружевме над Которскиот залив околу половина час, а луѓето на копно забележале дека од авионот излегува голема количина чад“, пишува Нова.рс за дел од сведоштвата.
„Првите десет минути екипажот не даде никакво објаснување, што предизвика уште поголема паника. Потоа не известија дека има дефект на моторот и дека мораме да направиме подготовки за слетување на аеродромот во Тиват“, изјави еден од патниците.
Механичарите во моментов го проверуваат авионот, а некои патници го напуштиле летот поради страв, рече тој.
