Студенти од Србија и официјално се кандидати за Нобеловата награда за мир, напиша писателот и драматург Синиша Ковачевиќ на социјалната мрежа Х.
„Штотуку добивме потврда од Нобеловиот комитет дека е прифатена кандидатурата за Нобеловата награда за мир, со која г-ѓа Дијана Стојковиќ, адвокат, номиниравме српски студенти. Тие тоа го заслужија“, напиша тој.
Upravo je od Nobelovog komitera stigla potvrda da je prihvaćena kandidatura za Nobelovu nagradu za mir,kojom smo gospođa Dijana Stojković,advokat i ja kandidovali srpske studente.Zasluzili su je.
— Sinisa Kovacevic (@SinisaKovacevi6) January 31, 2025
Студентите ширум Србија протестираат веќе два месеци, а на нивните акции се приклучија и граѓаните во речиси сите делови на земјата. Прво почнаа да ги блокираат факултетите, а потоа почнаа да излегуваат на улица и да бараат исполнување на барањата што ги поставија пред институциите на оваа држава.
Властите во неколку наврати се обидоа да го задушат нивниот бунт, им нудеа различни поволности, но тие не се откажаа од борбата и нивните барања.
Започнаа блокадите на факултетите на Факултетот за драмски уметности, чии студенти и професори беа нападнати на 22 ноември додека со мирна улична блокада од 15 минути им оддаваа почит на загинатите во уривањето на настрешницата на Железничката станица во Нови Сад. Наскоро бунтот се проширил на повеќе од 60 државни факултети низ Србија.
