Неформална група студенти од Универзитетот во Ниш денеска соопштија дека во сабота на 5 април пет часа ќе блокираат пет моста.
Тие најавија дека ќе организираат студентски протест наречен „555“, кој симболизира блокада на пет моста во траење од пет часа, по повод петмесечната борба без престан.
Оттаму додаваат дека за време на протестот ќе бидат блокирани клучните мостови во градот со цел, како што наведоа, да се сврти вниманието кон актуелните општествени и политички проблеми.
Протестот треба да биде како мирна, но решителна демонстрација на став во траење од пет часа со почеток во 11.00 часот, при што ќе се одржат симболични акции.
