Американскиот претседател Доналд Трамп денеска потврди дека ќе ја укине американската Агенција за меѓународен развој (УСАИД), објави Ројтерс.
Функционирањето на агенцијата беше доведено во прашање откако администрацијата на Трамп објави дека размислува за спојување на УСАИД со Стејт департментот, со цел да се намали бројот на вработени во агенцијата и нејзините трошоци во согласност со политиката на Трамп „Америка на прво место“, агенцијата вели.
Американскиот претседател Доналд Трамп претходно изјави дека УСАИД е управуван од „куп радикални лудаци“ и дека е лошо управуван.
Тој додаде дека ќе ги „исфрли лудите“ од агенцијата пред да се донесе одлука за нејзината иднина.
Во неделата, Трамп го пофали шефот на Одделот за владина ефикасност (DOGE) Илон Маск за суспензијата на двајца од највисоките безбедносни функционери на УСАИД, откако тие се обидоа да го спречат DOGE да пристапи до системите на агенцијата.
Маск утрово изјави дека УСАИД ќе биде затворен, а Трамп се согласува со него.
