Администрацијата на американскиот претседател Доналд Трамп нареди широк преглед на статусот на сите бегалци кои влегле во земјата под претседателот Џо Бајден, според владин документ што го виде Ројтерс.
Наредбата се однесува на околу 200.000 бегалци кои дојдоа во Соединетите Држави помеѓу 20 јануари 2021 година и 20 февруари 2025 година, според документот потпишан од Џо Едлоу, директорот на Службата за имиграција и натурализација. Исто така, наредува суспензија на обработката на барањата за постојан престој за бегалци од ерата на Бајден.
Трамп го запре пристигнувањето на бегалците во Соединетите Држави кога ја презеде функцијата во јануари, што е остар пресврт во однос на неговиот претходник. Во документот се наведува дека службата за имиграција ќе го поништи статусот на бегалците кои веќе се во Соединетите Држави доколку не ги исполнат условите за добивање на тој статус.
Дополнително, се проценува дека администрацијата на Бајден им дала приоритет на брзината на процедурите и бројот на примени бегалци пред квалитетот на интервјуата и деталната проверка.
