Американскиот претседател Доналд Трамп ѝ даде на Украина помалку од една недела да го прифати неговиот план од 28 точки за прекин на војната со Русија.
„Имам многу рокови, но ако работите одат добро, тие обично се продолжуваат. Но, четврток е крајниот рок“, рече американскиот лидер во радио интервју за Фокс њуз.
Ова доаѓа откако украинскиот претседател Володимир Зеленски, во своето вечерно обраќање до нацијата денес, рече дека неговата земја се соочува со „еден од најтешките моменти“ во својата историја и беше непоколеблив дека ќе презентира „алтернативи“ на мировниот план на САД.
„Ќе презентирам аргументи, ќе убедувам, ќе понудам други опции“, објави украинскиот лидер.
Планот од 28 точки што го предложи Трамп врши притисок врз Киев да се откаже од територија, да ја ограничи големината на својата армија и да вети дека нема да се приклучи на НАТО во замена за прекин на војната – сите долгогодишни барања на Кремљ.
Така, клучните делови од предлогот поддржан од Вашингтон одговараат на претходните барања на Москва и ги преминуваат „црвените линии“ на Украина.
