Тригодишно момче кое страда од ретка наследна болест, Хантер синдром (MPSII), е првото лице во светот со ова метаболичко нарушување кое прима нова генска терапија, објавува денес Би-Би-Си.
Во најтешките случаи, лицата кои страдаат од овој синдром умираат пред да наполнат 20 години, а последиците од болеста понекогаш се опишуваат како еден вид детска деменција.
Момчето Оливер Чиу е првиот пациент во светот кај кого лекарите од Манчестер се обидоа да ја спречат болеста со менување на неговите клетки преку генска терапија.
