Новата сезона на „Ѕвездите на Гранд“ почнува на 18 септември, а учесниците и гледачите уште од самиот старт ги очекува ново големо изненадување – нова членка на жирито ќе биде Светлана Цеца Ражнатовиќ.
Како што Гранд соопшти, изменетата екипа ќе избира нови ѕвезди, а во оваа сезона Цеца ќе ја замени долгогодишната членка на жирито – Јелена Карлеуша.
„Сигурни сме дека сјајната музичка кариера на Цеца, искуството и знаењето кое ги поседува ќе бидат ветер во грб за новите учесници во оваа натпреварувачка шоу програма. Нејзиното присуство ќе донесе една нова енергија во која ќе уживаат и гледачите и учесниците, а емисијата ќе биде многу погледана“, велат од таму.
Покрај овие големи новости во составот на стручното жири, за гледачите се подготвуваат и други новитети бидејќи ќе биде променета и добро познатата сценографија, и во новата сезона се влегува со визуелни идентитети кои одговараат за вака гледано шоу по сите светски стандарди.